წინანდლის ისტორიულ მამულში კლასიკური მუსიკის კიდევ ერთი გამორჩეული სეზონი დასრულდა. 3-13 სექტემბერს წინანდლის კლასიკური მუსიკის საერთაშორისო ფესტივალი მერვედ გაიმართა და თერთმეტი დღის განმავლობაში მსოფლიოს სხვადასხვა ქვეყნიდან ჩამოსული მუსიკოსები, ახალგაზრდა შემსრულებლები და კლასიკური მუსიკის მოყვარულები გააერთიანა.
წელს უკვე მესამედ, ფესტივალის პარტნიორი ფრანგული პროვანსული სილამაზის ბრენდი 𝐋’𝐎𝐜𝐜𝐢𝐭𝐚𝐧𝐞 იყო. თანამშრომლობა, რომელიც სამი წლის წინ დაიწყო, ბუნებრივად აერთიანებს ორ განსხვავებულ სამყაროს საერთო ღირებულებების გარშემო: ხელოვნებას, ბუნებას, სილამაზესა და ემოციას.
2026 წელი 𝐋’𝐎𝐜𝐜𝐢𝐭𝐚𝐧𝐞-ისთვის განსაკუთრებით მნიშვნელოვანია. ბრენდი დაარსებიდან 50 წელს აღნიშნავს. ნახევარი საუკუნის წინ პროვანსში დაწყებული ისტორია დღეს მსოფლიოს მრავალ ქვეყანაში გრძელდება, თუმცა მისი მთავარი შთაგონება კვლავ ბუნება, ადამიანებზე ზრუნვა და ის პროვანსული გამოცდილებაა, რომელსაც 𝐋’𝐎𝐜𝐜𝐢𝐭𝐚𝐧𝐞 თითოეული პროდუქტით ქმნის.
სწორედ საიუბილეო წელი გახდა წინანდლის ფესტივალზე ბრენდის წლევანდელი წარმოდგენის ერთ-ერთი მთავარი შთაგონება. ისტორიულ მამულში 𝐋’𝐎𝐜𝐜𝐢𝐭𝐚𝐧𝐞 სტუმრებს განსაკუთრებული დეკორაციებით დახვდა. პროვანსისთვის დამახასიათებელი თბილი ფერები და ბრენდის ესთეტიკა წინანდლის ბუნებასა და კლასიკური მუსიკის გარემოს შეერწყა და ფესტივალის საერთო ვიზუალურ გამოცდილებას კიდევ ერთი გამორჩეული შტრიხი შემატა.
ფესტივალის მერვე სეზონიც განსაკუთრებული მუსიკალური პროგრამით გამოირჩეოდა. სეზონი ქართველმა მევიოლინემ ლიზა ბათიაშვილმა გახსნა პან-კავკასიურ ახალგაზრდულ ორკესტრთან ერთად, რომელსაც მაესტრო ჯანანდრეა ნოზედა ხელმძღვანელობდა. თერთმეტი დღის განმავლობაში, წინანდლის სცენაზე წარდგნენ მსოფლიოში აღიარებული მუსიკოსები, მათ შორის, სერგეი ბაბაიანი, პინქას ცუკერმანი, ანიტა რაჭველიშვილი, მარკ-ანდრე ჰამელინი, ალექსანდრე მალოფეევი, საიაკა შოჯი, კიან სოლტანი და სხვა გამორჩეული შემსრულებლები.
ქართული კულტურის განსაკუთრებული ხასიათი ფესტივალზე ნაციონალურმა ბალეტმა „სუხიშვილებმაც“ წარმოაჩინა. ლეგენდარული ქართული ანსამბლი წინანდლის სცენაზე ქართველი და უცხოელი მაყურებლის წინაშე წარდგა და მრავალფეროვან საერთაშორისო პროგრამას ქართული ქორეოგრაფიული ხელოვნების გამორჩეული ენერგია შემატა.
წლევანდელი პროგრამა განსაკუთრებით მრავალფეროვანი იყო. წინანდალში აჟღერდა მალერის მეორე სიმფონია „აღდგომა“, ბეთჰოვენის სავიოლინო კონცერტი, მუსორგსკისა და რაველის „სურათები გამოფენიდან“, შოპენის მეორე საფორტეპიანო კონცერტი და კლასიკური მუსიკის არაერთი მნიშვნელოვანი ნაწარმოები. განსხვავებული ფორმატით იყო წარმოდგენილი ჟორჟ ბიზეს „კარმენის ტრაგედიაც“.
ფესტივალის ერთ-ერთ მთავარ ღირებულებად კვლავ პან-კავკასიური ახალგაზრდული ორკესტრი დარჩა. პროექტი სხვადასხვა ქვეყნის ახალგაზრდა მუსიკოსებს აერთიანებს და მათ შესაძლებლობას აძლევს, მსოფლიოს წამყვან დირიჟორებთან, სოლისტებსა და პედაგოგებთან ერთად იმუშაონ. ამგვარად, წინანდლის ფესტივალი მხოლოდ მსოფლიო დონის საკონცერტო პროგრამას არ ქმნის. ის განათლების, ახალი თაობის მხარდაჭერისა და კულტურებს შორის დიალოგის მნიშვნელოვან სივრცედაც რჩება.
𝐋’𝐎𝐜𝐜𝐢𝐭𝐚𝐧𝐞-ის წლევანდელი მონაწილეობა მხოლოდ ვიზუალური წარმოდგენით არ შემოფარგლულა. ფესტივალის საზეიმო დახურვის დილას, 13 სექტემბერს, ბრენდის ორგანიზებით ლიკა ევგენიძის ბგერითი თერაპიის სესია გაიმართა. წინანდლის ბუნებაში ბგერა, სიმშვიდე და შინაგანი ჰარმონია გაერთიანდა და ფესტივალის ბოლო დღე სრულიად განსხვავებული, სენსორული გამოცდილებით დაიწყო.
ეს გამოცდილება განსაკუთრებით ახლოს დგას 𝐋’𝐎𝐜𝐜𝐢𝐭𝐚𝐧𝐞-ის ფილოსოფიასთან. ბრენდისთვის სილამაზე მხოლოდ გარეგნული მოვლა არ არის. ის ბუნებასთან, შეგრძნებებთან და იმ მცირე რიტუალებთან არის დაკავშირებული, რომლებიც ყოველდღიურობას განსაკუთრებულ მომენტებად აქცევს. სწორედ ამიტომ, მუსიკის მოსმენა, ბუნებასთან სიახლოვე და საკუთარ თავთან დაბრუნებისთვის გამოყოფილი დრო ლოგიკურად გაერთიანდა ფესტივალის ფარგლებში შექმნილ ერთ გამოცდილებაში.
ფესტივალის დასკვნით დღეს მუსიკალური პროგრამა დავით ხრიკულისა და პან-კავკასიური ახალგაზრდული ორკესტრის კონცერტით დასრულდა, რომელსაც მაესტრო ნიკოლაი შეპს-ცნაიდერი დირიჟორობდა. შოპენის, შტრაუსისა და რაველის მუსიკით წინანდლის ფესტივალის მერვე სეზონმა კიდევ ერთი თავი შემატა მამულის თანამედროვე კულტურულ ისტორიას.
50 წლის განმავლობაში 𝐋’𝐎𝐜𝐜𝐢𝐭𝐚𝐧𝐞 ბუნებიდან მიღებულ შთაგონებას სილამაზის რიტუალებად გარდაქმნის. წინანდალში კი ამ ფილოსოფიამ კიდევ ერთხელ იპოვა საერთო ენა მუსიკასთან. კლასიკური ნაწარმოებების ჰანგები, ისტორიული მამულის ბუნება, პროვანსული ესთეტიკა და ბგერითი თერაპიის გამოცდილება წლევანდელ ფესტივალზე ერთ მთლიან ისტორიად გაერთიანდა.
𝐋’𝐎𝐜𝐜𝐢𝐭𝐚𝐧𝐞 50 წლისაა. ისტორია პროვანსში დაიწყო და უკვე მესამე წელია, მისი ერთ-ერთი გამორჩეული სექტემბრის თავი წინანდალშიც იწერება.
