ფილოსოფიურ კამათს თემაზე ,,რა არის სიყვარული’’ აზრი აღარ აქვს, რადგან ცნობილმა ფსიქოლოგმა ერიხ ფრომმა მარტივი ფორმულა ჩამოაყალიბა: მე მჭირდება ადამიანი, რადგან მე ის მიყვარს.
დიახ, ადამიანებს ერთმანეთი სჭირდებათ, რადგან უყვართ. ამ ურთიერთკავშირში გრძნობაა. თუმცა, როდესაც თქვენ ადამიანი გიყვართ, რადგან თქვენ ის გჭირდებათ, ეს სიყვარული კი არა დამოკიდებულებაა.
გრძნობები ადამიანის საქციელში და ისეთ მცირე დეტალებში გამოიხატება, რომელიც შესაძლოა ერთი შეხედვით ვერ შეამჩნიოთ.
წარმოგიდგენთ 10 მახასიათებელ ნიშანს იმისა, რომ თქვენ ნამდვილი სიყვარული იპოვეთ:
1. ,,პეპლები მუცელში’’ – ეს ფრაზა ალბათ, ბანალურად და შესაძლოა მოგონილადაც კი ჩათვალოთ, მაგრამ ფსიქოლოგების მიერ დამტკიცებული ფაქტია, რომ ნამდვილად არსებობს. თქვენ ყველა ადამიანის მიმართ არ განიცდით იმ საოცარ ეიფორიას, რასაც მუცელში პეპლების ფრენა ჰქვია. ეიფორიის იმპულსები მუცლიდან ტვინსა და გულს გადაეცემა. ამ დროს სხეულში ნერვიულობის მსგავსი გრძნობა გეუფლებათ, უნებურად იძაბებით როცა მას ხედავთ და მისი წამიერი შეხების შგრძნებაც კი დიდხანს გაგყვებათ.
2. ჩახუტება – თუ მისი ჩახუტებისას გრძნობთ, რომ შეგიძლიათ ასე მთელი ცხოვრება გაატაროთ, ეს მშვენიერი ნიშანია იმისა, რომ თქვენს გვერდით ნამდვილი სიყვარულია.
3. მასთან სიახლოვე გინდათ – მაშინაც კი, როდესაც სამსახურის საქმით ხართ დაკავებული, იცით, რომ თქვენი რჩეული თქვენგან შორსაა, მაგრამ თქვენი გული ,,სიახლოვეს’’ ითხოვს. ფსიქოლოგების აზრით, ახლოს ყოფნის სურვილი ძლიერი ინდიკატორია იმისა, რომ თქვენ იგი გიყვართ.
4. მოტივაცია – შესაძლოა არ შეგეძლოთ გრძნობების ღიად გამოხატვა, მაგრამ ეს აუცილებლად გამოვლინდება საქციელში. ხდებით ბევრად მოტივირებული, გსურთ ყველაფერი უფრო კარგად გააკეთოთ, არა მხოლოდ იმიტომ, რომ თქვენ გსურთ ასე, არამედ იმიტომ, რომ საყვარელი მამაკაცის თვალში ბევრად სასურველი წარმოჩნდეთ.
5. ხასიათის ცვლილებები – ფსიქოლოგები ხშირად აღნიშნავენ, რომ შეყვარებულ ადამიანს თვალები ყოველთვის უბრწყინავს. როცა ის თქვენს გვერდითაა, თითქოს ენერგიას ასხივებთ, ხდებით ბევრად მხიარული, ბევრს იღიმით, მისი წასვლის შემდეგ კი ღიმილი კვლავ რჩება თქვენს სახეზე – ეს სიყვარულია.
6. ადრენალინი – გსმენიათ თუ არა, რომ შეყვარებული ადამიანი ადრენალინს განიცდის? როდესაც თქვენ დაუოკებელი სურვილი გაქვთ საყვარელი ადამიანის ნახვის, ყველაფერს აკეთებთ, რომ დრო ერთად გაატაროთ, ცდილობთ თავგადასავლები დაგეგმოთ და ისიამოვნოთ.
7. ლტოლვა – ჯანსაღი ურთიერთობისთვის ლტოლვა ისეთივე აუცილებელი ნაწილია, როგორც საუბარი, სეირნობა, მოსმენა და სხვა. ხშირად ლტოლვას ,,ქიმიასაც’’ უწოდებენ. თუ თქვენს გვერდით მყოფი ადამიანი სექსუალურად გიზიდავთ და გაქვთ ის ნაპერწკალი რასაც ვნება ჰქვია, თქვენ ნამდვილად ჯანსაღი ურთიერთობა გელოდებათ.